Suriyaning Idlib viloyatida navbatdagi ziddiyatlar yuzaga kelmoqda. Anqara Suriyada yangi harbiy operatsiyalarni o‘tkazish bilan tahdid qildi. Turkiya ko‘magi ostida bo‘lgan jangarilar Suriya armiyasi pozitsiyasi tomon yurish qilmoqda. “RBK” Idlibda sodir bo‘layotgan voqealardan fotoreportaj tayyorlab taqdim etdi.
Turkiya harbiy kuchlari Suriya shimolida harakatlanmoqda. Guvohlar va jurnalistlarning so‘zlariga ko‘ra, 12-fevraldan boshlab Damashq nazorati ostida bo‘lmagan Turkiya va Suriya chegarasidan turk texnikalari o‘tmoqda.
Turkiya tomonidan qo‘llab-quvvatlanuvchi Suriya ozodlik armiyasi bo‘linmalari Idlib viloyatidagi Suriya hukumat armiyasiga hujum uyushtirishga tayyorlanmoqda.
Rossiya va Suriyaning ta’kidlashicha, AQSh hamda Turkiya Idlibdagi jangarilarni qurol-yarog‘ bilan ta’minlamoqda. Idlib — qurollangan muxolifot tomonidan nazorat qilinuvchi Suriyadagi so‘nggi yirik viloyat.
Suriya chegarasidan o‘tayotgan turk harbiy kolonnalari orasida tanklar, zirhli texnikalar, snaryadlar ortilgan yuk mashinalari ko‘zga tashlangan.
20-fevral kuni Rossiya Mudofaa vazirligi turk artilleriyasi Suriya armiyasining pozitsiyasiga zarbalar berishni boshlaganini ma’lum qildi. Rossiyalik harbiylar aloqaga chiqqanidan so‘nggina turklar o‘t ochishni to‘xtatgan.
Turkiyaning ta’kidlashicha, o‘zlarining ko‘magi ostida bo‘lgan kuchlar tomonidan amalga oshirilgan jangovar harakatlar oqibatida 50 nafar Suriya harbiysi yo‘q qilingan, Turkiya armiyasidan esa ikki nafar harbiy halok bo‘lgan.
Rossiyaning Su-24 qiruvchilaridan iborat guruh Suriya ozodlik armiyasi bo‘linmalariga zarba berib, ularning ortga chekinishiga sabab bo‘lgan.
Izoh (0)