Buxoro viloyati Kogon tumanidagi “Xo‘ja yakshanba” mahallasi avtomobil yo‘li ko‘ngilni xira qiladi. Yaroqlilik muddatini allaqachon o‘tab bo‘lgan yo‘l ancha yillardan buyon ta’mirlanmagan, deb yozmoqda O‘zA.

Tuman magistral yo‘li bilan tutashuvchi ushbu yo‘ldan Sheyxlar, Bog‘i Mirzo, Nishovur, Yuqori, Quyi qozi qishloqlari aholisi foydalanadi. Yo‘l yoqasidagi bekatlar ahvoli ham haminqadar.

Yon-atrofdagi xonadon egalari tomonidan yo‘l bo‘yiga suv to‘ldirish uchun chiqarib qo‘yilgan idishlar bu joylarda toza ichimlik suvi yo‘qligidan darak beradi. Shu yerda yashovchi fuqarolardan biri qishloqda bolalar bog‘chasi ham yo‘qligini ham ta’kidladi, deyiladi xabarda.