“Daryo” o‘tgan haftaning qizg‘in bahslariga sabab bo‘lgan tvitlarini diqqatingizga havola etadi.

“Obama bilan ishlagan paytimda u ishlatgan ‘Kelinglar, yigitlar!’ iborasini yoqtirardim”, – Maykl Makfol, AQShning Rossiyadagi sobiq elchisi.

“Roppa-rosa 11 yil muqaddam aynan shu kunda jamiyatimiz boshidan kechirayotgan eng yomon retsessiya paytida tiklanish haqida qaror qabul qilgan edim va bu qaror keyingi o‘n yillik uchun Amerika tarixidagi iqtisodiy o‘sish va ish o‘rinlari yaratilishi uchun zamin tayyorlagan edi”, – Barak Obama, AQShning sobiq prezidenti.

“Farg‘ona vodiysida qishda qovun saqlashning an’anaviy usuli”, – Akmal Hamrayev, Twitter foydalanuvchisi.

“Nazarboyev deputatga xalq hayotini yaxshilash uchun ‘ular bilan tushunarli tilda’ muloqot qilishni aytmoqda. Elboshi davlat boshqaruvida hokimiyat uning qo‘lida ekanini tushuntirmoqchi”, – Joanna Lillis, The Guardian, EurasiaNews axborot nashrlari muxbiri.

“Qozog‘istonning Yevrosiyo iqtisodiy ittifoqi doirasidagi savdo hissasi 2019-yilda 2018-yilga solishtirganda 5,7 foziga ko‘paydi va 21,3 milliard AQSh dollariga yetdi. Savdo ulushining 92,4 foizi Rossiya hissasiga to‘g‘ri kelsa, Qirg‘izistonniki 4 foiz, Belarusniki 3,6 foiz va Armanistonniki 0,1 foizga to‘g‘ri kelmoqda”, – Aleks Melikishvili, MDH mamlakatlari bo‘yicha tahlilchi.

“Prezident Tramp Ukrainani dunyoning eng korrupsiyalashgan davlati sifatida ayblagan edi. Prezident Zelenskiy bu ayblov noto‘g‘ri ekanini aytmoqda. Zelenskiy Trampga efir orqali murojaat qilar ekan, ‘Iltimos, Ukrainani korrupsion davlat deb atashni to‘xtating’, deb aytdi”, – Kristin Omonpur, CNN jurnalisti.

“Prezident ‘Kusherboyev boshqalarga yoqmaydi, lekin menga yoqadi’ deganida uning mana shu xususiyatlarini, tuyaning kallasiday yuragini nazarda tutgan edi. Ishqilib, Kusherboyevni yoqtirmaydiganlar unga ziyon yetkazmasa bo‘ldi”, – Doniyor Rozmetov, bloger.

“‘Ilhom’ teatri O‘zbekistondagi avtoritarizm davrida ijodkorlik oroli edi. Bugun o‘zbek jamiyatini liberallashtirish va isloh qilish sharoiti teatrning yo‘qlikka hukm qilinishini bildiradimi?” – The Calvert Journal nashri, sobiq sovet mamlakatlari san’ati va madaniyati borasida tahlillar yuritadigan jurnal.

“O‘zbekiston, Buyuk ipak yo‘li bo‘ylab sayohat qilar ekansiz, mintaqaning sahro bag‘ridagi shaharlarini, nafasni qaytarguvchi tog‘li mintaqalari va nozik did bilan tayyorlangan taomlarini kashf qiling”, – Wanderlust Magazine, xalqaro sayyohlik jurnali.

“Uxandagi shifoxona rahbari koronavirusdan vafot etdi. Jahon sog‘liqni saqlash tashkiloti yangi koronavirusdan ehtiyot bo‘lish haqida ogohlantirmoqda. Koronavirusdan vafot etganlar soni ayni damda 1 868 kishini tashkil qilmoqda”, – Al Jazeera.

“Bundan 90 yil avval mitti sayyora Pluton kash etilgan edi. Pluton aylanasi bor-yo‘g‘i 1 400 milya – 2 253 kilometrni tashkil qiladi. Bu AQShning yarmini yoki Oyning 2/3 qismini tashkil qiladi. Pluton kuni muborak!” – Chandra observatoriyasi Twitter sahifasi.

“Turmush o‘rtog‘im, bolalar, Alisher ukam va men Shayx Zayd masjidini ziyorat qildik va mamlakatimizga tinchlik, vatandoshlarimizga farovonlik va oilamiz va do‘stlarimizga tinchlik so‘radik”, – Saida Mirziyoyeva.

“Bugun tongda Xitoy rahbari Si bilan muloqot qildim va xitoyliklarga hamdardligimni hamda koronavirusga qarshi kurashda qo‘llab-quvvatlashimni bildirdim. Buyuk Britaniya hukumati mintaqaga zaruriy tibbiy dori-darmonlarni yetkazishda yordam beradi va yordam ko‘rsatishda davom etadi”, – Boris Jonson, Buyuk Britaniya bosh vaziri.

“O‘zbekistonda Boyovut tumaniga yagona ayol hokim tayinlandi. Bu ulkan o‘zgarish”, – Dilfuza Kurolova, huquqshunos.

“Dunyodagi eng past internet tezligi mamlakatlari o‘ntaligi. O‘zbekiston 4-o‘rinda”, – Spectator Index, ta’lim, madaniyat, iqtisodiyot, siyosat borasida tahlillar markazi.

1) Iroq;

2) Jazoir;

3) Nepal;

4) O‘zbekiston;

5) Gana;

6) Senegal;

7) El Salvador;

8) Nigeriya;

9) Kamboja;

10) Bangladesh;

Ma’lumot Open Signal guruhi materiallari asosida tayyorlangan.

https://twitter.com/spectatorindex/status/1229797722460344325

Jahongir Ergashev tayyorladi.