Kanadada qariyb 100 ta mashina ishtirokida sodir bo‘lgan YTH oqibatida 60 dan ortiq odam jarohat oldi

Kanadaning Monreal shahri yaqinida qariyb 100 ga yaqin avtomobil ishtirokida sodir bo‘lgan YTH oqibatida 60 dan ortiq odam jarohat oldi, deb xabar beradi CBC telekanali.

Kvebek transport vaziri Fransua Bonnardelning aytishicha, yo‘l-transport hodisasining sodir bo‘lishiga qor bo‘ronlari yo‘llarni ko‘rishni cheklab qo‘ygani sabab bo‘lgan. To‘qqiz kishi jiddiy jarohat olgan, yana 60 kishining jarohati yengil ekanligi aytilmoqda.

Shossening ikki yo‘nalishi bo‘yicha harakat to‘xtatilgan. Yo‘lning 10 kilometri 20-fevral tongiga qadar yopib qo‘yilgan.

Eslatib o‘tamiz, joriy yilning yanvar oyida Samarqanddagi yaxmalak yo‘lda o‘nlab avtomobillar bir-biriga urilganligi to‘g‘risida xabar berilgan edi.