UzAvto Motors avtomobillari narxi qo‘shimcha opsiyalar hisobiga “biroz oshganligi”ni ma’lum qilindi

UzAvto Motors avtomobillari narxi oshmagan. Bu haqda kompaniya matbuot xizmati ma’lum qildi.

Matbuot xizmatiga ko‘ra, 2020-yildan boshlab UzAuto Motors AJ tomonidan ishlab chiqarilayotgan yangi komplektatsiyalaridagi Spark, Cobalt, Lacetti avtomobillari jahon standartlariga oid texnik reglamentga amal qilgan holda ba’zi qo‘shimcha opsiyalar bilan jihozlanmoqda.

“Shu bois mazkur opsiyalarning belgilangan narxi avtomobil narxiga qo‘shimcha sifatida qo‘shilgan. Ya’ni avtomobil narxi o‘z-o‘zidan emas, qo‘shimcha opsiya o‘rnatilgani uchun biroz oshgan. 

Mazkur holat diler va xaridor o‘rtasida tuziladigan shartnomaning 2.4 bandida ham keltirib o‘tilgan”, — deyiladi xabarda.

Quyidagi jadvalda qo‘shimcha opsiyalar, ularning turi va narxi bo‘yicha batafsil ma’lumot keltirilgan.