Qozog‘istonda ajrimlar soni tobora ortib bormoqda. Bu haqda BMTning Qozog‘istondagi aholishunoslik jamg‘armasi o‘tkazgan tadqiqot natijalariga asoslanib, “Tengrinews” xabar berdi.
Foto: “Elements.envato.com”
O‘tkazilgan tadqiqot Qozog‘istonda nikohlar soni qisqarib, ajrimlar foizi o‘sayotganini ko‘rsatdi.
2013-yildan 2018-yilgacha mamlakatda nikohdan o‘tish 18 foizga qisqargan. Sharqiy Qozog‘iston hududida nikohlar 28 foizga kamaygan.
2000—2018-yillarda ajrimlar soni o‘rta hisobda ikki baravarga oshgan. Mamlakatning barcha viloyatlarida ajrimlar tez-tez qayd etila boshladi. Xususan, ajralishlar Sharqiy Qozog‘iston viloyatida 1,3 baravarga, Olmaota viloyatida 2,8 baravargacha oshgan.
Shimoliy va sharqiy viloyatlar, Nur-Sulton va Olmaota aholisi o‘rtasida eng ko‘p ajrimlar qayd etilgan. Mamlakatning janubiy va g‘arbiy hududlarida yashovchi aholi kamdan kam hollarda ajrashishi kuzatilgan.
