Koronavirusdan yakunlanayotgan karantinlar, ishlari zo‘r Tramp, banan xarid qilayotgan xitoyliklar. 19-fevralning eng qiziqarli suratlari

19-fevral, chorshanba kuni dunyoning turli burchaklarida olingan eng qiziqarli suratlar jamlanmasini taqdim etamiz.

Vashington, AQSh

Donald Tramp Kaliforniyadagi saylovoldi safariga qanday kayfiyatda ketayotganini jurnalistlarga ko‘rsatmoqda.

Toshkent

Uxandan qaytgan 84 nafar o‘zbekistonlik karantin muddati yakunlangach xursandchilik qilmoqda.

Shahzoda Nand kollejida karate bo‘yicha mahoratini ko‘rsatayotgan talaba.

Omsk, Rossiya

Issiqlik trubasi ustida o‘tirgan uysizlar.

Yokogama, Yaponiya

Jurnalistlar Diamond Princess kruiz layneridagi karantindan chiqqan yo‘lovchiga savollar bermoqda.

Shavkat Mirziyoyev Rajab Toyyib Erdo‘g‘onning taklifiga binoan Turkiyaga tashrif buyurdi.

Chilida hukumatga qarshi namoyishlar bo‘lib o‘tmoqda.

Nakapiripirit, Uganda

Suvloq bo‘yidagi mahalliy aholi. Ushbu hududda yashovchi aholi chorvachilik orqasidan kun ko‘radi.

Cho‘liston, Pokiston

Cho‘liston cho‘lidagi rallida mashina oynasidan chiqib olgan erkak.

Tokio, Yaponiya

Sensodzi ibodatxonasidagi kimono kiyib, niqob taqib olgan turistlar.

Milandagi moda haftaligida Gucci’ning kuz—qish (2020—2021) mavsumi kolleksiyasi namoyish etildi.

Mexiko, Meksika

Mexikoda o‘ldirib ketilgan 7 yoshli qizning dafn marosimi bo‘lib o‘tdi. 11-fevral kuni yo‘qolib qolgan qizchaning jasadi bir necha kundan so‘ng polietilen paketga o‘rab ketilgan holda topildi.

Ballikotton, Irlandiya

“Dennis” dovuli tufayli Irlandiyaning Kork grafligi sohiliga Tanzaniya bayrog‘i ostidagi “arvoh kema” chiqib qoldi.

London, Buyuk Britaniya

Billi Aylish eng yaxshi xalqaro artist nominatsiyasida British Awards mukofotini qo‘lga kiritdi.

Xitoyliklar supermarketdan oziq-ovqat mahsulotlari, jumladan banan xarid qilmoqda.

Yanvar oyi oxirida ijtimoiy tarmoqlarda O‘zbekistonga Xitoydan keltiriladigan bananlarda koronavirus infeksiyasi borligi haqidagi xabarlar tarqalgach, bananlar narxi keskin tushib ketgan edi. Shundan so‘ng O‘zbekistonga sotiladigan bananlarning deyarli barchasi Ekvadordan keltirilishi ma’lum qilindi.

Katmandu, Nepal

Shiva ma’budi sharafiga Maha Shivaratri bayrami nishonlanmoqda.

Indoneziya

Indoneziya harbiy-havo kuchlari qo‘shinlari mamlakat havo hududini himoya qilish bo‘yicha o‘quv mashg‘uloti o‘tkazdi.

Sianukvil, Kambodja

Koronavirus xavfi sabab beshta mamlakatga kiritilmagan Westerdam kemasi fonida suratga tushayotgan ayol.

Harbiylar jinoiy guruhlarga qarshi operatsiya oldidan hordiq chiqarmoqda. Prezident Noyib Bukele jinoyatchilikka qarshi kurashayotgan harbiylar sonini 10 mingga yetkazishga buyruq berdi.

Solsberi, Buyuk Britaniya

Solsberi cherkovidagi chiroqli installyatsiya. Bu yil Solsberi cherkovi qurilganiga 800 yil to‘ldi.

Sagaing, Myanma

Naga qabilasi ayollari hosil mo‘l bo‘lishi o‘tkazilayotgan marosimda raqs tushmoqda.