Guliston shahridagi “Metan Rivoj Savdo” MChJga qarashli metan gaz quyish shoxobchasida yuk tashishga mo‘ljallangan avtobusning gaz balloni portlab ketdi, deb xabar beradi IIV YHXBB axborot xizmati.
Ko‘ngilsiz hodisa 18-fevral kuni soat 21:50 larda sodir bo‘lgan. Bulung‘urlik haydovchi boshqaruvidagi PAZ rusumli avtobus gaz to‘ldirayotganida uning tepasiga o‘rnatilgan gaz balloni portlagan.
Natijada avtobusga moddiy zarar yetgan. Shu bilan birgalikda avtobus atrofida turgan Romitan tumanida yashovchi N.S. boshqaruvchidagi MAN rusumli yuk avtomashinasining old oynasiga hamda Mirzaobod tumanida yashovchi A.K. boshqaruvidagi UAZ-3962 rusumli transport vositasining old qismiga temir parchasi uchib kelib tekkan.
Ushbu hodisada tan jarohati olganlar va boshqa zarar ko‘rganlar mavjud emas.
Holat yuzasidan Guliston shahar IIO va FMB huzuridagi Tergov boshqarmasi tomonidan surishtiruv harakatlari olib borilmoqda.
Izoh (0)