Rossiya bosh vaziri Mixail Mishustin Xitoy fuqarolarining mamlakat hududiga kirishini vaqtincha taqiqlovchi farmoyishni imzoladi. Bu haqda Meduza xabar qilgan.
Farmoyish 20-fevral, payshanba kunidan boshlab kuchga kiradi. Hujjatda turizm sayohatlari, xizmat va ta’lim, shuningdek, shaxsiy maqsadlarni ko‘zlab Rossiyaga kelayotgan xitoyliklarga mamlakat hududiga kirishiga vaqtincha taqiq qo‘yish masalasi ko‘tarilgan.
Qaror Xitoy Xalq Respublikasidagi epidemiologik vaziyatning murakkablashuvi tufayli u yerdan Rossiya Federatsiyasi hududiga ko‘plab xitoyliklar oqimi kirib kelayotgani bilan bog‘liq ravishda qabul qilingan.
Yangi turdagi koronavirusning Xitoyda tarqalishi 2019-yilning dekabr oyida Xubey provinsiyasining Uxan shahrida boshlangan. 18-fevral holatiga ko‘ra, butun dunyoda 73 ming nafar odam ushbu kasallikka chalingan (shundan 72 ming nafari — Xitoy hududida virus bilan kurashmoqda). Koronavirus keltirib chiqargan pnevmoniyadan vafot etganlar soni 1868 nafarni tashkil qilgan.
Rossiyaning ikki nafar fuqarosi ham koronavirusga chalingan. Ular Diamond Princess kruiz layneri ichida ushbu virusni yuqtirib olgan. Kema gonkonglik yo‘lovchida koronavirus aniqlanganidan keyin ikki haftalik karantinga olingan.
Mavzuga doir:
- Yo‘lovchilar Diamond Princess sayohat kemasidagi karantin haqida so‘zlab berdi
- Diamond Princess kemasidagi 44 nafar amerikalikda koronavirus aniqlandi
- Yaponiyadagi sayohat kemasida koronavirusni yuqtirib olganlar soni 355 kishiga yetdi
- Yaponiyadagi sayohat kemasida yana 44 kishida koronavirus aniqlandi
Mavzuga doir:
- Rossiya koronavirus bo‘yicha karantinni buzuvchilarga nisbatan jazoni kuchaytiradi
- Rossiyada koronavirusdan tuzalgan talaba qizga uyga javob berildi
- “Rossiya O‘rta Osiyo mamlakatlari bilan ham chegaralarni yopishi kerak”. Jirinovskiy koronavirusning tarqalishi haqida
- Peterburg sudi koronavirus bo‘yicha karantindan qochib ketgan ayolni kasalxonaga majburan yotqizishga ruxsat berdi
Izoh (0)