“Tottenhem” hujumchisi Son Hyon Min Angliya Premyer Ligasining 26-turi doriasida “Aston Villa”ga qarshi kechgan bahsda (3:2) jarohat oldi.
27 yoshli futbolchining o‘ng qo‘lida sinish yuzaga kelgan. Ushbu haftada u operatsiya qilinadi.
Londonliklar klubining rasmiy saytida ma’lum qilinishicha, Son bir necha hafta maydonga tusha olmaydi. The Athletic versiyasiga ko‘ra, koreyalik futbolchining tiklanish jarayoniga 6—8 hafta vaqt ketadi.
Avvalroq “shporlar” markaziy hujumchisi Harri Keyn jarohat olgandi. Futbolchi yanvar oyida jarrohlik amaliyotini boshdan kechirgan va aprelga qadar safga qaytmaydi.
Eslatib o‘tamiz, “Tottenhem” 19-fevral, chorshanba kuni Chempionlari Ligasi 1/8 finali doirasida “Leypsig”ga qarshi bahs olib boradi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)