Shayx Zayd masjididagi Saida va Ivanka, niqobli Mona Liza, “Bo‘ston”da yakunlangan karantin. 18-fevralning eng qiziqarli suratlari

18-fevral, seshanba kuni dunyoning turli burchaklarida olingan eng qiziqarli suratlar jamlanmasini taqdim etamiz.

Xubey, Xitoy

Himoya kiyimlarini kiyib olgan ishchilar koronavirus o‘chog‘i sanalgan Uxan shahridagi uylarni tekshirmoqda. Xitoyda koronavirus bilan kasallanganlar soni 72 ming kishidan oshib ketdi.

Pokiston

Poliomiyelitga qarshi emlash jarayoni.

Abu-Dabi, BAA

Saida Mirziyoyeva turmush o‘rtog‘i, farzandlari va ukasi Miralisher bilan Shayx Zayd masjidini ziyorat qildi.

Qurilish maydoni yaqinidagi erkak. Xitoyda tarqalgan koronavirus sababli Kambodjada sayyohlar oqimi kamaydi.

Daytona 500 Nascar poygalarida amerikalik Rayan Nyuman finishga yaqin avariya bo‘ldi va og‘ir ahvolda shifoxonaga yetkazildi.

Menton, Fransiya

Menton shahrida limonlar festivali ochildi.

Abu-Dabi, BAA

AQSh prezidenti Donald Trampning qizi Ivanka Shayx Zayd masjidiga tashrif buyurdi.

Shanxay, Xitoy

Temiryo‘l bekatidagi eskalatorda tushayotgan erkak.

Jamoat transporti YTHga uchragan joyga to‘plangan odamlar.

Milan, Italiya

Milanda moda haftaligi arafasida ekofaollarning liboslarda hayvonlar mo‘ynasi va terisidan foydalanilishiga qarshi norozilik aksiyasi o‘tkazildi.

Gonkong

Tay Mo Shan tog‘i cho‘qqisida koronavirusga qarshi kurashga bag‘ishlangan buddistlarning diniy marosimi o‘tkazildi.

“Bo‘ston” sanatoriysida ikki hafta davomida karantinda bo‘lgan o‘zbekistonliklarga uyiga javob berildi.

Katmandu, Nepal

Nepallik harbiylar Armiya kuni munosabati bilan o‘tkaziladigan parad oldidan repeetitsiya qilmoqda. Nepal armiyasiga 1744-yilda asos solingan.

Katmanduliklar harbiy parad repetitsiyasini kuzatmoqda.

Barselona, Ispaniya

Barselona ko‘chalaridagi himoya niqobi taqqan va qo‘lidagi telefonida Mobile World Virus yozuvi tushirilgan Mona Liza portreti. Avvalroq Barselonada o‘tkazilishi kerak bo‘lgan Jahon mobil kongressi koronavirus sabab bekor qilingandi.

Tehron, Eron

Eron oliy rahbari Oyatulloh Xomanaiy nutq qilmoqda.

Shanxi, Xitoy

Ishchilar shahar ko‘chalarini dezinfeksiya qilmoqda.

Ot poygasi ishtirokchilari.

Mumbay, Hindiston

Sohilbo‘yida telefonda so‘zlashayotgan erkak.

Barretos, Braziliya

Veterinar Mariya Anjela Panelli to‘tiqushni operatsiya qilib, unga rezina tumshuq qo‘ydi.

Shanxay, Xitoy

Himoya niqobi taqib olgan ayol velosipedda sayr qilmoqda.

Pensiya islohotiga qarshi Afinada 24 soatlik ish tashlash uyushtirildi.