Bugun,

  • USD 11095.31
  • RUB 173.84
  • EUR 10772.44

O‘zbekiston Respublikasi Oliy sudi va UNICEF ilk bor sudda ishlar ko‘rilayotgan vaqtda jabrlanuvchi yoki jinoyat guvohi bo‘lgan bolalarga do‘stona muhitli xonani tashkil etdi. Mazkur xona Toshkent shahar jinoyat ishlari bo‘yicha Shayxontohur tumani sudida foydalanish uchun topshirildi. Bu haqda UNICEF’ning O‘zbekistondagi vakolatxonasi matbuot xizmati “Daryo”ga xabar berdi.

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

Bolalarning yoshi, yetukligi va ruhiy holati e’tiborga olingan holda, ular o‘zlarini erkin va xavfsiz sezishlari uchun mazkur xona qulay muhitni ta’minlaydi. Bolalarga ruhiy shikast yetkazish ehtimolini imkon qadar kamaytirish maqsadida xona zamonaviy video va audio tizim bilan jihozlangan. Bunday choralar jabrlanuvchi yoki jinoyat guvohi bo‘lgan bola sud muhokamasida ishtirok etayotganida u faqatgina sudya bilan gaplashib, boshqa sud ishtirokchilari bilan har qanday muloqot qilishini istisno etadi.

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

“Sud bosqichida bolalarga do‘stona muhitli ushbu xonaning ochilishi BMT Bola huquqlari bo‘yicha qo‘mitasining qonun bilan aloqada bo‘lgan bolalarni himoya qilish choralarini ko‘rish bo‘yicha O‘zbekistonga yo‘llagan tavsiyalarini amalga oshirishdagi katta qadamdir”, — dedi UNICEF’ning O‘zbekistondagi vakolatxonasi rahbari Sasha Graumann.

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

“Agar biz jabrlanuvchi yoki jinoyat guvohi bo‘lgan bolani ruhiy shikastlanishdan himoya qilmoqchi bo‘lsak, biz kamida ikki narsaga amin bo‘lishimiz kerak. Birinchidan, suhbat yoki tergov uchun muhit do‘stona bo‘lishi kerak. Ikkinchidan, sud muhokamasida bola sudyadan boshqa sud jarayoni har qanday ishtirokchilari, jumladan, ayblanuvchi bilan muloqotda bo‘lmasligi kerak”, — deb ta’kidladi u.

Bolalar uchun adolatli sudlovning xalqaro standartlariga muvofiq, jabrlanuvchi va jinoyat guvohi bo‘lgan bolalar uchun barcha bosqichlarda — sudgacha, sudda va suddan keyingi davrda maxsus himoya choralari ko‘rilishi zarur. Bu shuni anglatadiki, qonunlar adolatli sudlov jarayonida ushbu zaif bolalar bilan o‘tkaziladigan suhbatlar sonini cheklashi lozim.

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

Foto: UNICEF’ning O‘zbekistondagi vakolatxonasi matbuot xizmati

“Sud-huquq sohasida olib borilayotgan islohotlar jarayonida O‘zbekistonda jabrlanuvchi va jinoyat guvohi bo‘lgan bolalar huquqlarining himoyasini yanada kuchaytirish borasida muhim chora-tadbirlar amalga oshirilmoqda. Bu esa, o‘z navbatida, ilg‘or xalqaro tajribaga muvofiqdir”, — dedi O‘zbekiston Respublikasi Oliy sudi raisi Kozimjon Komilov.

Izoh
Asosiy yangiliklar
Mahalliy
O‘zbekistonda 29-may kuni 39 darajagacha issiq bo‘ladi
Shou-biznes
“Xitoydan o‘ligim qaytadi deb qo'rqqanman”. Uch xil ovozda gapira oladigan xalqaro sirk ustasi, vayner Sherzod Mamadaliyev bilan suhbat (video)
Mahalliy
Xorazmda 3-sinf o‘quvchilariga behayo xatti-harakatlar qilgan 61 yoshli o‘qituvchi besh sutkaga qamaldi