Irlandiya qirg‘og‘iga “arvoh kema” chiqib qolgan (foto)

Irlandiyaning Kork grafligi sohiliga Tanzaniya bayrog‘i ostidagi 77 metrli MV Alta yuk kemasi chiqib qoldi, deya xabar bergan Irishexaminer. Kema ichida ekipaj a’zolari topilmagan.

“Bu juda kam uchraydigan holatlardan biri”, — deydi Irlandiya sohilni qo‘riqlash xizmati vakili. Uning aytishicha, kema qirg‘oqqa kuchli dovul tufayli chiqib qolgan.

So‘nggi bor ushbu “arvoh kemani” Afrika yaqinida ko‘rishgan. 2018-yil sentabr oyida kemaning Bermud orollarining janubi-sharqidan o‘tayotgani xabar qilingan: kema nosoz holatga kelgani tufayli ekipaj a’zolari evakuatsiya qilingan bo‘lishi mumkin.

Qutqaruv kemalarinini ishga tushirish bo‘yicha menejer Jon Tattanning fikricha “arvoh kema” uchun bunday uzoq masofani bosib o‘tish juda kam uchraydigan holat.

Irishexaminer ma’lumotlariga ko‘ra, kemaning kapitani kim bo‘lganini aniqlash borasidagi ishlar hozircha besamar ketgan.