Sovuq ob-havo sabab tund kayfiyatdamisiz? Unda German laqabli kaptar va uning yangi do‘sti — Landi nomli chixuaxua kuchugi suratlarini tomosha qiling.
Meduza’ning yozishicha, Landi 2020-yilning yanvar oyida Amerikaning Nyu-York shtati Rochester shahridagi tug‘ma nuqsonli hayvonlarni qutqarish bilan shug‘ullanuvchi jamoat tashkilotiga keltirilgan.
Kuchukning orqa oyoqlari ishlamaydi, lekin kaptar uchun bu muhim emas. U o‘z do‘stini shundoq ham yaxshi ko‘radi.
German va Landining quchoqlashib tushgan suratlari tashkilot xodimi tomonidan Facebook ijtimoiy tarmog‘iga joylandi va mitti kuchuk va kaptarning do‘stligi ko‘pchilik foydalanuvchilarda havas uyg‘otdi.
Izoh (0)