Apple korporatsiyasi o‘z investorlarini koronavirus tarqalgani tufayli Xitoydagi korxonalari ishini to‘xtatgani uchun smartfonlar yetkazib berishni cheklashga majbur bo‘lgani haqida ogohlantirdi. Bu haqda Meduza xabar berdi.

Foto: The Guardian

Bundan tashqari, Apple vakillari koronavirus tufayli korporatsiya uchun eng yirik bozorlardan biri bo‘lgan — Xitoyda iPhone’larga bo‘lgan talab tushib ketganini ham aytib o‘tdi.

Apple investorlarni jahon bozorlarida iPhone tanqisligi va Xitoyda savdoning pasayishi korporatsiya joriy chorakda e’lon qilingan daromad ko‘rsatkichlariga erisha olmasligi mumkinligidan ogohlantirdi.

Eslatib o‘tamiz, Xitoyda yangi turdagi COVID-19 koronavirusini yuqtirib olganlar soni 72 ming kishidan oshib ketdi. Virus oqibatida vafot etganlar soni esa 1868 kishiga yetdi.