Bugun,

  • USD 11095.31
  • RUB 173.84
  • EUR 10772.44

UzAuto Motors avtomobillarini Chevrolet brendi ostida eksport qilishni boshlaydi. Bu haqda kompaniya matbuot xizmati xabar bermoqda.

Foto: Google Images

Foto: Google Images

Joriy yil mart oyidan boshlab Rossiya, Qozog‘iston va Belarusda Chevrolet brendi ostida taqdim etiladigan dastlabki modellar Spark, Nexia va Cobalt bo‘ladi.

Qayd etilishicha, UzAuto Motors kompaniyasi O‘zbekistonda ishlab chiqarilgan Chevrolet modellarining Rossiya, Qozog‘iston va Belarusda distribyutsiyasini o‘zi boshqaradi.

Ravon avtoulovlarini xarid qilgan mijozlar uchun ham UzAuto Motors o‘zining vakolatli servislarida xizmatlarni davom ettiradi.

“GM sifatli konsalting va ishlab chiqarishdagi UzAuto Motors faoliyatini qo‘llab-quvvatlab, O‘zbekistondagi eng yirik avtomobilsozlik kompaniyasining, jumladan, tashqi bozorlardagi rivojlanish loyihalarini ham amalga oshirilishga hissa qo‘shmoqda. Spark, Nexia va Cobalt modellarining xorijda Chevrolet brendi ostida sotuvi boshlanganiligi bundan dalolat beradi.

Chevrolet brendidan tashqi bozorlarda foydalanish huquqi UzAuto Motors kompaniyasiga avtomobillarning yuqori sifati jahon avtosanoati yetakchilaridan biri — General Motors kompaniyasi tomonidan belgilangan standartlarga to‘liq javob berganligi uchun berildi.

Qabul qilingan qaror UzAuto Motors’ga Chevrolet jahon brendining to‘liq quvvatidan O‘zbekiston ichki bozoridagi kabi eksport bozorlarida ham samarali sotuvni oshirish imkonini yaratadi”, — deyiladi xabarda.

Kompaniya matbuot xizmatiga ko‘ra, Rossiya va MDH mamlakatlarida Ravon brendi ostida avtomobillar savdosi 2020-yilning o‘rtalariga kelib to‘xtaydi.

Izoh
Asosiy yangiliklar
Mahalliy
“Hozir barcha kuchlarni aholiga gaz yetkazib berishga safarbar qilganmiz” — “Hududgazta’minot” rahbari
Salomatlik
Bayramgacha tezda vazn yo‘qotamiz: parhezshunosdan maslahatlar
Sport
Braziliya yetakchi, Fransiya — 2, Argentina 5-o‘rinda. The Guardian JCH—2022 favoritlari ro‘yxatini e’lon qildi