CNN: AQSh o‘zaro kelishuv buzilgan taqdirda, “Tolibon”ni “yo‘q qiladi”

“Tolibon” harakati vakillari zo‘ravonlikni to‘xtatish haqidagi kelishuvni buzsa, AQSh Afg‘oniston hukumatiga harbiy ko‘mak ko‘rsatadi. Bu haqda Amerika delegatsiyasi vakillari Afg‘oniston prezidenti Ashraf G‘aniga xavfsizlik bo‘yicha Myunxen konferensiyasida ma’lum qildi, deb xabar berdi “Kommersant”.

“Biz sizga kafolat beramiz, agar ular kelishuvni buzsa, AQShda ularni yo‘q qilish uchun kuchlar yetarli. Biz hozir afg‘onlar bilanmiz, har doim afg‘onlar bilan qolamiz”, — deydi Amerika delegatsiya vakili.

Pentagon rahbari Mark Esper “Tolibon” harakati vakillari bilan kelishilgan zo‘ravonlikni tugatish davri boshlanishining aniq sanasini ayta olmadi.

Avvalroq Amerika prezidenti Donald Tramp “Tolibon” harakati bilan tinchlik bitimini imzolashga yaqin kelganini aytgan edi.