“Manchester Yunayted” yarim himoyachisi Pol Pogba “Yuventus”ga qaytishi mumkin, deya xabar qilmoqda italiyalik jurnalist Nikolo Skira.

Foto: Getty Images

“Yuventus” fransiyalik yarim himoyachini 2020-yilning yozida Turinga qaytarish borasida ish boshladi. Pogbaga “Real” va PSJdan ham qiziqish bor, biroq futbolchining o‘zi A Seriyaga qaytishni ma’qul ko‘rmoqda. Avvalroq Manchester klubi Pogbani 140 million yevro evaziga sotishga tayyor ekani xabar qilingandi.

Pogba 2016-yilning yozida 105 million yevro evaziga “Yuventus”dan “Manchester Yunayted”ga o‘tgandi. Joriy mavsum Pol Premyer Ligada yettita o‘yinda maydonga tushdi va ikkita samarali uzatma amalga oshirdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!