Joriy yilning 13-fevral kuni soat 14:20 larda 4R-109 Farg‘ona xalqa yo‘lining 112 kilometrida Ulug‘nor tumanida yashovchi I.O. Nexia rusumli transport vositasida qarama-qarshi yo‘nalishga chiqib harakatlanishi oqibatida, qarshisidan harakatlanib kelayotgan Oltinko‘l tumanida yashagan L.S. boshqaruvidagi Spark rusumli transport vositasi bilan to‘qnashuv sodir etgan.

Foto: IIV YHXBB axborot xizmati

Spark haydovchisi L.S. ko‘rsatilgan tibbiy yordamga qaramay tan jarohati oqibatida shifoxonada vafot etgan. Ushbu transport vositasi yo‘lovchisi Oltinko‘l tumanida yashovchi S.I. tan jarohat olib shifoxonaga yotqizilgan, deyiladi IIV YHXBB axborot xizmati xabarida.

Foto: IIV YHXBB axborot xizmati

Xabarda Nexia haydovchisining ahvoli haqida ma’lumot berilmagan.