Yevropa tiklanish va taraqqiyot banki (YeTTB) O‘zbekistonda “Angelesey Food” MChJ XK Korzinka.uz supermarketlar tarmog‘ini boshqaruvchi Singapurning Anglesey Investments kompaniyasining ozchilik ulushdagi aksiyalarini xarid qildi. Bu haqda “Gazeta.uz” xabar qilgan.
2019-yil noyabr oyida Korzinka.uz’ning YeTTBdan 40 million dollarlik to‘g‘ridan to‘g‘ri investitsiyani jalb etgani ma’lum bo‘lgandi.
“Bu YeTTBning oxirgi o‘n yilda O‘zbekistondagi aksionerlik kapitaliga kiritilgan birinchi investitsiya”, — deyiladi bankning xabarida.
Investitsiyalar sabab Korzinka.uz supermarketlari tarmog‘i ikki baravar ko‘payadi (deyarli uch baravar 50 tadan 140 taga yetkaziladi), ularda ishlovchilar soni ham 2023-yilga borib ikki baravar 5000 dan taxminan 10 ming nafarga yetadi.
Mavzuga doir:
2019-yilda YeTTB O‘zbekistondagi 13 ta loyihaga 500 million yevro investitsiya kiritgan, shulardan 9 tasi xususiy sektorga tegishli edi. Bugungacha YeTTB mamlakat iqtisodiyotiga 79 ta loyiha doirasida jami 1,85 milliard mablag‘ jalb etgan.
Izoh (0)