2019-yilning oktabrida Toshkent shahrida xalqaro brenddagi Carrefour supermarket va gipermarketlar tarmog‘i ochilishi haqida xabar berilgandi. Spot nashrining yozishicha, supermarketlar tarmog‘i Toshkentda ishchilarni yig‘ishni boshlagan.
Ma’lumot uchun, Carrefour savdo do‘konlari O‘zbekistonda Akfa Group bilan hamkorlikda ochilish rejalashtirilgan.
“Hh.uz saytida keltirilishicha, kompaniya Toshkentda bir nechta bo‘sh ish o‘rinlarini e’lon qilgan. Majid Al Tuttaim Hypermarkets bir nechta nomzodlarni — PR-menejer, bosh direktor assistenti, bosh buxgalter, xaridlar bo‘yicha menejer kabilarni qidirmoqda.
Avvalroq Korzinka.uz tarmog‘i asoschisi Zafar Hoshimov Toshkentda o‘z giper va supermarketini ochmoqchiligini ma’lum qilgan Carrefour fransuz brendi haqidagi fikrlari bilan bo‘lishgandi.
Carrefour’ning O‘zbekistondagi dastlabki ikki yillik faoliyati davomida qariyb 2500 ta ish o‘rni yaratilishi kutilmoqda. Supermarketlar tarmog‘i xaridorlarga qariyb 40 ming nomdagi mahsulotni taklif qiladi va mamlakat bo‘ylab 600 dan ortiq mahalliy yetkazib beruvchilar, ishlab chiqaruvchilar va fermerlar bilan ishlaydi.
Izoh (0)