Samarqand viloyat IIB axborot xizmatining “Daryo”ga ma’lum qilishicha, 1976-yilda tug‘ilgan fuqaro A.A. IIBga ariza bilan murojaat qilgan.

Foto: “Daryo”

Aniqlanishicha, Kattaqo‘rg‘on shahar tibbiy chaqiruv komissiyasi shifokori T.I. fuqaro A.A.dan uning o‘g‘li A.T.ning tanishlari orqali muddatli harbiy xizmatga yuborish masalasini hal qilib berishini va’da qilib, evaziga 600 dollar talab qilgan.

Mazkur arizaga asosan Samarqand viloyati Ichki ishlar boshqarmasi Jinoyat qidiruv bo‘limi Korrupsiya va iqtisodiy jinoyatlarga qarshi kurashish bo‘limi va viloyat prokuraturasi xodimlari bilan hamkorlikda Kattaqo‘rg‘on shahar markaziy poliklinikasida o‘tkazilgan tezkor tadbirda 2020-yilgi muddatli harbiy xizmatga chaqiruvidagilarni tibbiy xulosa berish komissiyasi raisi hisoblangan shifokor T.I. o‘z xizmat xonasida fuqaro A.A.dan 600 dollar miqdoridagi pullarni olgan vaqtida ashyoviy dalillar bilan ushlandi.

Ushbu holat yuzasidan Kattaqo‘rg‘on tuman prokuraturasi tomonidan T.I.ga nisbatan jinoyat ishi qo‘zg‘atilgan.