Surxondaryolik taniqli ijodkorlardan biri Bahrom Normurodov Jarqo‘rg‘on tumanida tug‘ilgan. Yoshi 39 da. Olti oydan buyon jigar sirrozi xastaligi bilan og‘rib kelmoqda.
Bahrom Normurodov ko‘p yillar Surxondaryo viloyati televideniyesida turkum ko‘rsatuvlar tayyorlagan. “Turkiston”, “Surxon tongi” gazetalarida ko‘plab tahliliy materiallari chop etilgan. Kasallikka chalingunga qadar ijodkor Termiz davlat universitetining o‘zbek filologiyasi fakultetida talabalarga dars berib kelayotgan edi. Afsuski, kasallik sabab hozir to‘shakka mixlangan. Ayni paytda Bahrom Normurodov viloyat ko‘p tarmoqli tibbiyot birlashmasi reanimatsiya bo‘limiga davolanish uchun joylashtirilgan.
Oila a’zolarining aytishicha, 2019-yilning sentabr oyida Bahrom Normurodovning jigarida onkologik mioma aniqlangan. Avvaliga kasalligini hech kimga bildirmagan. Kasallik o‘z ta’sirini o‘tkazganidan keyin oila a’zolariga bu haqda aytishga majbur bo‘lgan.
Ayni paytda Bahrom Normurodovning sog‘lig‘i juda og‘ir ahvolda. Mutaxissislarning fikricha, jigar sirrozi bilan og‘rigan bemorning hayotini saqlab qolishning yagona yo‘li — transplantatsiya amaliyotini o‘tkazish hisoblanadi. Operatsiya Hindistonda bo‘lib o‘tadi va unga 27 ming AQSh dollari atrofida mablag‘ zarur.
Bahrom Normurodovning to‘rtta farzandi bor. Ayoli uy bekasi. Bemor oilasining esa bunga imkoni yo‘q. Ular bor-yo‘g‘ini sotgan taqdirda ham buncha pulni topa olmaydi. Oilaning yolg‘iz umidi Allohdan va saxovatli insonlardan.
Barcha yurtoshlarimizdan Bahrom Normurodov sog‘ayib ketishida o‘z yordamlarini ayamasliklarini so‘raymiz.
Xayriya qilish istagida bo‘lganlar uchun kerakli ma’lumotlar:
Bahrom Normurodov nomiga ochilgan plastik karta
Click / Payme:86 00 33 29 33 31 35 73
Humo: 98 60 01 01 26 79 74 70
Pasport ma’lumotlari:
Normurodov Bahrom AB 9866412
Telefon raqami: +99891 908 84 75
Izoh (0)