Qozog‘iston koronavirus sabab Xitoydan 217 nafar fuqarosini evakuatsiya qildi. Bu haqda mamlakat sog‘liqni saqlash vaziri Eljan Birtanovga tayanib, “RIA Novosti” xabar berdi.

Foto: Sputnik

“Bugun ertalab 217 kishi Pekindan Nur-Sultonga qaytib keldi”, — deydi vazir.

Birtanovning ta’kidlashicha, ular karantin bo‘lmagan hududdan qaytishgani sabab Qozog‘istonda kamida uch kun karantinda bo‘lishadi. “Muayyan xavflar mavjud, ular ko‘rib chiqiladi”, — deydi Birtanov.

Eslatib o‘tamiz, 4-fevral kuni ham Pekin shahri aeroportidan Toshkent shahriga charter reys bilan 250 nafar O‘zbekiston fuqarolari olib kelinib, karantinga joylashtirilgan.