O‘zbekiston Prezidentining 10-fevraldagi farmoniga asosan Qashqadaryo viloyati xalq qabulxonasi rahbari Abduhalim Xolmaxmatov Bosh prokurorning birinchi o‘rinbosari etib tayinlandi. Bu haqda Bosh prokuratura matbuot xizmati xabar berdi.
Shuhrat Uzoqov ko‘p yillar davomida harbiy prokuraturada turli lavozimlarda faoliyat yuritgan. Respublika harbiy prokurori o‘rinbosari, harbiy prokuror lavozimida ishlagan, adliya general-mayori unvoniga ega.
U 2016-yilda ayni lavozimni tark etgan. Keyinchalik Bosh prokuratura huzuridagi departament boshlig‘i, Prezident devoni mas’ul xodimi, Xalq qabulxonasining Samarqand viloyati bo‘limi rahbari vazifalarida faoliyat olib borgan.
Abduhalim Xolmaxmatov esa faoliyatini tuman prokuraturasida boshlagan, 2001-yilda Bosh prokuror o‘rinbosari lavozimida ishlay boshlagan.
Bir yil o‘tib 3-darajali davlat adliya maslahatchisi (general-mayorga teng harbiy unvon) rutbasiga munosib ko‘rilgan.
Keyinchalik Toshkent viloyati prokurori, so‘ng Farg‘ona viloyati prokurori, Qarshi tuman prokurori sifatida ishlagan.
A.Xolmaxmatov xo‘jalik sudida konsultant, katta konsultant, bo‘lim boshlig‘i lavozimlarida, Bosh prokurorning birinchi o‘rinbosari vazifasiga tayinlangunga qadar esa O‘zbekiston Respublikasi Prezidentining Qashqadaryo viloyati Xalq qabulxonasi mudiri lavozimida ishlagan, deb yozmoqda “Xabar.uz”.
Izoh (0)