AQShning Pensilvaniya universiteti yetakchi ilmiy markazlarning Global Go To Think Tank Index Report 2019 reytingini taqdim etdi. Bu haqda O‘zbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi matbuot xizmati xabar berdi.
2020-yil reytingiga O‘zbekistondan yana bir nechta tahlil markazlari kiritilgan. Ular orasida hisobotda 26-o‘rinni egallab turgan Strategik va mintaqalararo tadqiqotlar instituti (ISMI) va 33-o‘rindagi “Tahlil” ijtimoiy tadqiqotlar markazi mavjud.
Reyting mualliflari O‘zbekistonda 12 ta ilmiy markazlar mavjud deb hisoblashadi. Shu bilan birga, hisobotda qayd etilishicha, Qozog‘istonda 31 ta, Qirg‘izistonda — 28 ta, Tojikistonda — 7 ta ilmiy-tahliliy markazlar mavjud. Turkmaniston ushbu reytingga kiritilmagan.
Mutaxassislar tahlil markazlari va fuqarolik jamiyati dasturi doirasida 2008-yildan beri dunyoning ilmiy-tahliliy markazlarining yillik reytingi Global Go To Think Tank Index Report e’lon qilindi. Hisobot siyosiy institutlar va jamoalarning mintaqaviy va global tarmoqlarini yaratishga hissa qo‘shadi, bu ijtimoiy hayotning turli sohalarida siyosiy harakatlarning samaradorligini oshiradi, shuningdek butun dunyo bo‘ylab demokratik institutlar va fuqarolik jamiyatini mustahkamlashga xizmat qiladi.
Ma’lumot uchun, o‘tgan yilning oktabr oyida Iqtisodiy tadqiqotlar markazi tashkil topganligining yigirma yilligi munosabati bilan Iqtisodiy tadqiqotlar va islohotlar markaziga aylantirildi. Markaz vazifalari qatoriga iqtisodiy boshqaruvni takomillashtirish, moliya, biznes va ijtimoiy sohani rivojlantirish kabilar kiradi.
Izoh (0)