Qirg‘izistondagi “Madaniyat” nazorat-o‘tkazish punktidagi chegarachilar tibbiy maqsaddagi buyumlarni noqonuniy olib o‘tishga uringan O‘zbekiston fuqarosini qo‘lga oldi. Bu haqda Qirg‘iziston davlat chegara xizmati matbuot xizmatiga tayanib, KNews xabar berdi.
Ma’lum bo‘lishicha, Qirg‘izistondan O‘zbekistonga qarab yo‘l olgan 2000-yilda tug‘ilgan O‘zbekiston fuqarosi O.A.ning qo‘l yukini ko‘zdan kechirish vaqtida 300 dan ortiq tibbiy niqob topilgan. Buyumlarning tegishli hujjatlari bo‘lmagan.
Qirg‘iziston hukumatining 3-fevraldagi qaroriga binoan, dori vositalari va tibbiy buyumlarni Qirg‘iziston hududidan olib chiqishga 6 oy muddatga vaqtincha taqiq qo‘yilgan bo‘lgan.
Tegishli hujjatlar rasmiylashtirilgach, O.A. Qirg‘iziston Ichki ishlar vazirligining hududiy bo‘linmasi xodimlariga topshirilgan.
Mavzuga doir:
- JSST koronavirus tufayli tibbiyot niqoblariga talab 100 baravar oshishini taxmin qilmoqda
- “500 so‘mdan 5000 so‘mgacha oshdi”. “Daryo” O‘zbekiston dorixonalaridagi tibbiy niqoblar narxini o‘rgandi
- “Bitta dorixonada kuniga 700 dona maska sotilmoqda”. Toshkent dorixonalarida niqoblarning defitsiti kuzatilmoqda
Izoh (0)