Bugun,

  • USD 11095.31
  • RUB 173.84
  • EUR 10772.44

Sanitariya-epidemiologik osoyishtalik agentligi koronavirus infeksiyasiga qarshi kurashish shtabi Xitoydan charter reyslar orqali olib kelingan fuqarolar to‘g‘risida ma’lumot berdi.

Foto: “RSES.uz”

Foto: “RSES.uz”

4, 5-fevral kunlari O‘zbekistonga Xitoyning Pekin shahridan 2 ta hamda Uxan provinsiyasidan 1 ta charter reyslar amalga oshirildi.

Dastlabki reys Pekin shahridan amalga oshirildi hamda 250 nafar O‘zbekiston fuqarosi mamlakatga olib kelindi. Birlamchi tekshiruvlarda ularning hech birida koronavirus alomatlari aniqlanmadi.

Xitoydan olib kelingan fuqarolar koronavirusning O‘zbekistonga kirib kelishi va tarqalishining oldini olish, xavfsiz sanitariya-epidemiologik holatni ta’minlash hamda aholi salomatligini muhofaza qilish maqsadida maxsus tayyorlangan tibbiyot muassasasiga joylashtirildi.

Maxsus tayyorlangan muassasalarda barcha zarur sharoitlar yaratilgan. Jumladan, o‘rin-joy, oziq-ovqat, zarur dori-darmon, diagnostika, dezinfeksiya va shaxsiy himoya vositalari bilan ta’minlangan.

Fuqarolarning barchasi Jahon sog‘liqni saqlash tashkiloti tavsiyasiga ko‘ra, 14 kun davomida (kasallikning yashirin davri davomida) laboratoriya va tibbiy tekshiruvlardan o‘tkaziladi. Mazkur tadbirlarga Sog‘liqni saqlash vazirligidan sohaning yetkachi mutaxassislari jalb etilgan, ular tegishli tartibda kasbiy tayyorgarlikdan o‘tkazilgan.

Fuqarolar yaqinlari bilan telefon orqali audio-video muloqot olib borish imkoniyatiga ega bo‘lishadi.

Agentlikning markazi shtabi mutaxassislari tomonidan 71-276-49-66, 71-276-46-65 ishonch telefonlari orqali murojaat qilganlarga tushuntirishlar, aniq ma’lumotlar va zarur tavsiyalar berib borilmoqda. Shu kungacha jami 1 642 ta murojaatlarga javob berilgan.

Uzbekistan Airways kompaniyasi O‘zbekiston Prezidentining buyrug‘iga ko‘ra tashkil etilgan hukumat komissiyasining qaroriga asosan, joriy yilning 4, 5-fevral kunlari Xitoydagi O‘zbekiston fuqarolarini evakuatsiya qilish uchun uchta charter reysini amalga oshirilishini tasdiqlagan edi. 2-fevral kuni esa Xitoydan 157 nafar o‘zbekistonlik talaba qaytib keldi.

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)