“Qarshi neft bazasi” MChJ mansabdor shaxslari amalda tugatilgan 77 ta fermer xo‘jaliklariga yoqilg‘i tarqatib kelganligi fosh bo‘ldi. Bu haqda Bosh prokuratura huzuridagi departamentning Mirishkor tuman bo‘limi tomonidan o‘tkazilgan tergovga qadar tekshiruv davomida aniqlangan.
Ma’lumotlarga ko‘ra, jami 639,5 million so‘mlik 130,5 tonna dizel yoqilg‘isi tarqatilganligi to‘g‘risidagi hujjatlar soxtalashtirilib, juda ko‘p miqdordagi mulk talon-toroj qilingan.
Mazkur holat yuzasidan “Qarshi neft bazasi” MChJ mansabdor shaxslariga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Eslatib o‘tamiz, avvalroq Asaka tumanida ham qariyb 122 million so‘mlik dizel yoqilg‘isi talon-toroj qilingani ma’lum bo‘lgandi.
Izoh (0)