Brent turidagi neftning bir barreli narxi Londonning ICE birjasida 3-fevral kuni 3,8 foizga, 54,7 dollargacha pasaydi. Bu haqda Meduza xabar bermoqda.
Foto: EPA
Bu oxirgi 13 oy mobaynidagi eng past ko‘rsatkich hisoblanadi.
Neft narxining tushishi Xitoyda koronavirus tufayli neftga talabning 20 foizga — kuniga uch million barrelgacha kamayishi fonida ro‘y bermoqda.
Bloomberg nashriga ko‘ra, neftga talabning bu darajada pasayishi 2008—2009-yillardagi moliyaviy inqiroz davridan beri eng yirigi va 11-sentabr teraktlaridan beri eng kutilmagani bo‘ldi.
Ma’lumot uchun, Xitoy dunyodagi eng katta neft import qiladigan davlatlardan biri bo‘lib, mamlakatda kuniga 14 million barrel neft ishlatiladi. Bu Fransiya, Germaniya, Italiya, Ispaniya, Buyuk Britaniya, Yaponiya va Janubiy Koreyaning birgalikda bir kunlik iste’moliga teng.
