Gruziya sobiq prezidenti, Odessa sobiq gubernatori Mixail Saakashvili yana bir bor Ukrainaning falokati haqida gapirdi, deb xabar beradi EADaily.
“112 Ukraina” telekanali orqali chiqish qilgan siyosatchining so‘zlariga ko‘ra, agarda mamlakatdagi siyosiy vaziyat hozirgidek saqlanib qolsa, yaqin kelajakda Ukraina beshta mustaqil anklavga ajralib ketadi.
Sobiq gubernatorning ta’kidlashicha, Ukraina zudlik bilan o‘z siyosatini o‘zgartirishi lozim, chunki hozirgi siyosiy holat saqlanib qolgudek bo‘lsa, tumanlarda separatizm o‘sib, beshta davlat yuzaga keladi.
Shuningdek, Saakashvili bugungi kunda Ukrainaning mintaqaviy elitalari iqtisodiy inqiroz holatida ishga solishi mumkin bo‘lgan o‘zlarining shaxsiy armiyalarini tuzib ulgurganini aytdi.
“Siyosiy tizim o‘zgartirilmasa, nafaqat o‘g‘rilar, balki separatizm yuzaga keladi, Ukraina rostdan ham parchalana boshlaydi. Siz pulga to‘lib-toshgan mahalliy fuqarolarning shaxsiy armiyasi borligini tushunishingiz kerak, masalan, Truxanovda (Odessa meri) shaxsiy armiya bor, Kernesda esa (Xarkov meri) qo‘lidan har qanaqa ish keladigan malaylari bor. Ular shunchaki hech yerga ketmaydi. Ular Ukraina yana beshta davlatga aylanishi uchun infratuzilmani tayyorlamoqda, chunki bunga hozirga qadar ham tashqi kuchlar jalb qilingan”, — deydi gruziyalik ukrain.
Izoh (0)