Buyuk Britaniya 1-fevralga o‘tar kechasi 47 yillik a’zolikdan so‘ng, Yevropa Ittifoqini tark etdi. Bu 31-yanvar Grinvich vaqti bo‘yicha soat 23:00 da sodir bo‘ldi, deb xabar beradi Meduza.
Londondagi Vestminster saroyi qarshisida Britaniyaning ittifoqdan chiqishini nishonlash uchun yuzlab odam to‘plandi. Ular vatanparvarlik ruhidagi qo‘shiqlarni kuylagan, Brexit’ni qo‘llab-quvvatlovchi siyosatchilar so‘zga chiqqan. Yevropa Ittifoqidan chiqishga qarshi bo‘lgan britanlar esa Londonda marsh uyushtirgan. Shotlandiyada ham Brexit’ga qarshi mitinglar bo‘lib o‘tdi.
https://twitter.com/BBCNews/status/1223390697010683904
31-yanvar kechasi Yevropa kengashining Bryusseldagi qarorgohi oldidan Britaniya bayrog‘i olib qo‘yilgan. Buyuk Britaniyadagi binolardagi barcha Yevropa Ittifoqi bayroqlari pastga tushirilgan.
https://twitter.com/SkyNews/status/1223327510395486208
Eslatib o‘tamiz, Buyuk Britaniyaning Yevropa Ittifoqidan chiqishi dastlab 2019-yilning mart oyiga mo‘ljallangan edi, biroq parlament va hukumat o‘rtasida yakdil qarorga kelinmagani sabab bir necha bor qoldirilgan.
Mavzuga doir:
Izoh (0)