O‘zbekistonning AQShdagi elchisi Javlon Vahobov dunyodagi eng yirik qurilish kompaniyalaridan biri Bechtel’ning Virjiniya shtatida joylashgan innovatsion markaziga tashrif buyurib, uning hududiy hamkorlik bo‘yicha prezidenti Styuart Jones bilan uchrashdi.
TIV matbuot xizmatining xabar berishicha, uchrashuvda Jones O‘zbekistonda bozor iqtisodiyoti mexanizmlariga o‘tishga qaratilgan islohotlar, ustuvor sohalarni modernizatsiyalash bo‘yicha olib borilayotgan ishlarni yuqori baholadi. Uning fikricha, olib borilayotgan choralar respublika tarmoqlarini sanoat, texnologik va innovatsion rivojlantirish uchun muhimdir.
Kompaniya prezidenti O‘zbekistonda investitsion loyihalarni amalga oshirishga, jumladan Toshkent—Samarqand va Toshkent—Andijon pullik avtomobil yo‘llari qurilishi, davlat-xususiy sherikchilik tamoyillari asosida foydali qazilmalar konlarini o‘zlashtirishga qiziqish bildirgan.
Izoh (0)