Qarshi shahrida Lacetti avtomobilida nazoratsiz qoldirilgan 3 yoshli bola tutundan zaharlanib vafot etdi, deya xabar beradi “Daryo” muxbiri.
Qarshi shahar IIB bergan ma’lumotga ko‘ra, voqea 30-yanvar, payshanba kuni soat 13:30 larda sodir bo‘lgan.
— 1988-yilda tug‘ilgan fuqaro S.F. o‘zining oq rangli Lacetti avtomobilida 2017-yilda tug‘ilgan o‘g‘li N.M.ni yolg‘iz qoldirib, avtomobil eshiklarini qulflab ketgan, — deyiladi Qarshi shahar IIB tarqatgan ma’lumotda. — Nazoratsiz qolgan bola avtomobil salonidagi gugurtni yoqib o‘ynagan. Oqibatda uchqun o‘rindiqqa tushib, tutagan. Bola esa tutundan dimiqib vafot etgan.
Aytilishicha, viloyat Favqulotda vaziyatlar boshqarmasiga bu haqda xabar tushmagan. O‘t o‘chirish mashinasi ham chaqirilmagan.
Voqea yuzasidan hozirda Qarshi shahar IIB tergov xodimlari tomonidan surishtiruv ishlari boshlangan.
Izoh (0)