Hukumat qarori bilan Vazirlar Mahkamasi huzurida Atamalar komissiyasi tashkil etildi, deb xabar berdi “Huquqiy axborot” Telegram kanali.
Qaror bilan Atamalar komissiyasining asosiy vazifalari belgilandi.
Jumladan, Atamalar komissiyasi ilmiy asoslangan yangi so‘z va atamalarni rasmiy iste’molga kiritadi, qonun hujjatlari loyihalarida adabiy til qoidalari va normalariga, shuningdek, yuridik, texnik va boshqa maxsus qoidalarga rioya etilishini ta’minlaydi.
Qaror bilan Atamalar komissiyasi to‘g‘risidagi nizom hamda Atamalar komissiyasi tarkibi tasdiqlandi.
Nizomga ko‘ra, komissiya o‘z faoliyatini jamoatchilik asosida amalga oshiradi.
Komissiya faoliyati Vazirlar Mahkamasining Davlat tilini rivojlantirish departamenti tomonidan muvofiqlashtiriladi.
Izoh (0)