Navoiy shahrida yashovchi G.G‘aniyevaning yashash xonadoni majburiy tartibda buzilib, unga kompensatsiya berilishi paysalga solinib kelinayotgan edi. MIB xodimlari uning joniga oro kirdi. Bu haqda “Daryo”ga MIB matbuot xizmati ma’lum qildi.
Xususan, MIB Karmana tumanlararo sudining ijro varaqasiga asosan hokimiyat idoralaridan fuqaro Gulnora G‘aniyeva foydasiga 186 062 987 so‘m kompensatsiya va 1 000 000 so‘m yetkazilgan ma’naviy zarar undirilishi belgilangan edi.
MIB Navoiy shahar bo‘limi davlat ijrochisi M.Muxtorov tomonidan olib borilgan ijro harakatlari davomida 186 million 62 ming so‘m kompensatsiya hamda 1 million so‘m ma’naviy zarar pullari undirilishi to‘liq ta’minlanib, fuqaroning buzilgan huquqlari tiklandi.
G.G‘aniyeva MIB xodimlariga o‘z minnatdorligini bildirdi.
Izoh (0)