Fransiya prezidenti: Erdo‘g‘on Liviyaga yollanma askarlardan iborat kemalarni jo‘natib, o‘z va’dasini buzdi

Fransiya prezidenti Emmanuel Makron Turkiya prezidenti Rajab Toyyib Erdo‘g‘on Liviyaga ko‘ngilli suriyalik askarlardan iborat kemalarni jo‘natib, bergan va’dasini buzganligini ma’lum qildi, deb xabar beradi “Kommersant”.

Makronning so‘zlariga ko‘ra, bu Turkiya prezidenti tomonidan Liviyadagi mojaroni barqarorlashtirish bo‘yicha Berlinda o‘tkazilgan anjumanda bergan va’dasiga teskari harakat hisoblanadi.

“So‘nggi kunlarda biz Liviyada ichida yollanma suriyaliklar bo‘lgan Turkiya kemalarini ko‘rdik. Bu prezident Erdo‘g‘on tomonidan Belindagi anjuman vaqtida bergan va’dasi tamomila teskari harakatdir”, — deydi Makron.

Eslatib o‘tamiz, anjuman vaqtida Erdo‘g‘on Turkiya Liviyaga faqatgina instruktor va harbiy maslahatchilarni yuborganini ma’lum qilgandi. Misr, BAA, Turkiya, AQSh, Rossiya, Fransiya, Buyuk Britaniya va Italiya Liviyada jang qilayotgan tomonlarga harbiy yordam ko‘rsatmaslik bo‘yicha bayonnoma imzolagan edi.