Bugun, 29-yanvar kuni Toshkent vaqti bilan 14:10 atrofida O‘zbekistonning turli hududlarida yer silkinishlari sezildi.
Yevropa—O‘rtayer dengizi seysmostansiyasi ma’lumotlariga ko‘ra, zilzila Tojikiston hududida yuz bergan. Zilzila epimarkazida uning kuchi 5,3 magnitudaga teng bo‘lgan, o‘chog‘i 10 km chuqurlikda joylashgan.
FVV Seysmoprognostik monitoring Respublika markazi xabariga ko‘ra, zilzila Toshkentdan 344 km janubiy yo‘nalishda Tojikiston—Afg‘oniston chegarasida sodir bo‘lgan. Toshkent, Andijon, Guliston, Jizzax, Samarqand, Termiz va Qarshi shaharlarida zilzila kuchi 2 ballga, Farg‘ona shahrida esa 3 ballga teng bo‘lgan.
Eslatib o‘tamiz, 24-yanvar kuni ham Tojikistonda yuz bergan zilzila O‘zbekistonning bir necha shaharlarida sezilgandi. O‘shanda Toshkent shahrida zilzila kuchi 2—3 ballga teng bo‘lgan bo‘lsa, Farg‘ona shahrida 4 ballni tashkil etgandi.
Mavzuga doir:Toshkentda yerosti silkinishlari sezildi. Bu vaqtda Prezident propiska tizimi haqida gapirayotgan edi
Izoh (0)