Koronavirus bilan kasallanganlar soni 6 ming kishidan oshib ketdi

Xitoyda koronavirusni yuqtirib olganlar soni 5974 kishiga yetdi, vafot etganlar soni esa 132 kishini tashkil etmoqda, deb xabar beradi “Kommersant”.

Boshqa mamlakatlarda ham virusni yuqtirib olgan fuqarolar bilan hisoblanganda jabrlanuvchilar soni 6 052 kishiga yetgan. Mahalliy hukumat vakillarining ma’lum qilishicha, vafot etganlarning aksariyati 60 va undan katta yoshdagilar.

South China Morning nashrining ta’kidlashicha, yangi koronavirus bilan kasallanganlar soni 2002—2003-yillarda Xitoyda pnevmoniya bilan kasallanganlar sonidan ko‘p. Butunjahon sog‘liqni saqlash tashkilotining ma’lumotlariga ko‘ra, o‘shanda 5 327 kishida ushbu kasallik aniqlangan, 349 kishi vafot etgan.

Xalqaro sog‘liqni saqlash tashkiloti rahbari Adxan Gebreyesus Pekinda Xitoy raisi Si Szinpin bilan kasallikdan himoyalanish yo‘llarini muhokama qildi. U xalqaro ekspertlarni Xitoyga yuborishini ma’lum qilgan.

Ma’lumot uchun, Xubeydagi Uxan shahri koronavirus o‘chog‘i hisoblanadi. Bundan tashqari, yana o‘ndan ortiq mamlakatda, xususan, Germaniyada ham xuddi shu virus bilan kasallanish holatlari aniqlangan. Shahri meri Chjou Syanvan mahalliy aholi oldida o‘z aybiga iqror ekanligi belgisi sifatida iste’foga chiqishni rejalashtirmoqda.

Epidemiya sabab Xitoydagi umumiy aholisi 57 million kishiga teng 15 ta shahar to‘liq yoki qisman yopilgan. Xitoy rahbari Si Szinpin vaziyatni murakkab deb atagan.