Kongress vakillar palatasining qurolli kuchlar masalalari qo‘mitasidagi yig‘ilishda ishtirok etgan AQSh mudofaa vazirining siyosiy masalalar bo‘yicha o‘rinbosari Jon Rud Shimoliy Koreya yangi raketalarni sinovdan o‘tkazishi mumkinligini ma’lum qildi, deb yozadi “RBK”.
“Shimoliy Koreyaning yangi raketa sinovlari yoki boshqa harakatlarini ko‘rishimiz mumkin, ammo bu bosqichda ushbu harakatlar juda spekulyativ”, — deydi Rud.
Rud, shuningdek, Vashington KXDR nima sababdan “Rojdestvo syurprizi” bo‘yicha va’dasini bajarmaganini bilmasligini ma’lum qildi.
“Biz ular nima qilayotganini e’tibor bilan kuzatmoqdamiz. Biroq Shimoliy Koreya dekabrda rejalashtirgan provokatsion harakatlarini nima sababdan qilmaganini bilmaymiz”, — deydi Rud.
Rudning so‘zlariga ko‘ra, KXDR yangi raketa sinovlarini o‘tkazadigan bo‘lsa, AQSh ushbu davlatning harakatlarini provokatsion deb baholaydi.
“Bizning ularga murojaatimizning mazmuni shundan iboratki, davlat departamentining Shimoliy Koreyani muzokaralar o‘tkazishga chorlayotganini inobatga olgan holda biz ularning harakatiga provokatsion deb baho beramiz. Fikrimizcha, muzokaralar konstruktiv va samarali bo‘lardi”, — deydi Rud.
Izoh (0)