Prezident Shavkat Mirziyoyev sog‘liqni saqlash sohasini rivojlantirish masalalari ham muhokama qilingan 27-yanvardagi yig‘ilishda sohadagi kadrlar ta’minoti, malakasi va salohiyatini tanqid qildi.
Hozirda sog‘liqni saqlash tizimida 75 ming nafar shifokor faoliyat yuritmoqda. 2 900 ta umumiy amaliyot shifokori, 10 mingta tor mutaxassislar yetishmaydi. Ilmiy izlanish natijalarini hayotga joriy etish 5 foizdan ham oshmaydi.
“Prezidentimiz mutaxassislarni davlat buyurtmasi asosida manzilli tayyorlash, maqsadli kvotalarni tuman, qishloq va ish joyi ko‘rsatilgan holda shakllantirish zarurligini ta’kidladi”, — deyiladi Prezident matbuot xizmati xabarida.
Qayd etilishicha, yig‘ilishda tibbiyotda ilm-fanni rivojlantirish, ilmiy izlanishlarning ustuvor yo‘nalishlarini qayta ko‘rib chiqish bo‘yicha topshiriqlar berilgan.
Izoh (0)