Qishning qoq chillasida cho‘kayotgan ayolni qutqarib qolgan bog‘otlik Yoqubboy Do‘stmetov Rossiyada qiyin vaziyatga tushib qoldi. Bu haqda “Xabar.uz” ma’lum qildi.
Foto: “Xabar.uz”
Yoqubboy Do‘stmetov 26-yanvar kuni qornida paydo bo‘lgan qattiq og‘riqdan kasalxonaga tushdi. Maxsus tekshiruvdan so‘ng, zudlik bilan jarrohlik amaliyotini boshdan kechirgan.
Ma’lum bo‘lishicha, o‘n yil avval ko‘richak (appenditsit) tashxisi bilan jarrohlik stoliga yotishga majbur bo‘lgan yigitning ko‘richak o‘rni qattiq yallig‘langan va yiring to‘plana boshlangan. Natijada Krasnodar o‘lkasi markaziy shifoxonasi jarrohlari uning yallig‘langan ichagini kesib tashlashga majbur bo‘lgan.
Hozirda bemorning holati ancha yaxshi. Biroq yaqindagina Rossiyaga ishlagani kelib, hali biror yumush boshini tutishga ulgurmagan yigitning moddiy ahvoli qanday bo‘lishi ma’lum.
Kutilmagan ko‘ngilsizlikdan xorazmlik yigit ancha qiyin vaziyatga tushib qolgan. Endi uning o‘zi ko‘makka muhtoj.
Aloqa liniyalari: +79002380132 yoki +998 99 749 98 75 raqamida IMO ochilgan.
