Niderlandlar bosh vaziri Mark Ryutte Ikkinchi jahon urushi yillari Xolokost vaqtida mamlakat hukumatining harakatlari uchun yahudiylar jamoasidan uzr so‘radi. Bu haqda “RIA Novosti” xabar bermoqda.
“Hozir, bu qirg‘inlardan omon qolganlar hali oramizda ekanligida, bugungi hukumat nomidan o‘sha paytdagi hukumatning qilmishlari uchun kechirim so‘rayman”, — dedi Ryutte Niderlandda Xolokost qurbonlari xotirasi kunidagi chiqishida.
Ryuttega ko‘ra, “garchi hukumatda kichik qarshiliklar kuzatilgan bo‘lsa ham, niderlandlik aksar mansabdorlar nemis bosqinchilari talab qilgan ishlarni bajargan”.
Ma’lumot uchun, urush yillari niderlandlik 140 ming yahudiydan atigi 35 ming kishi tirik qolgan.
Izoh (0)