O‘zbekiston xalq artisti, kino va teatr aktyori Xayrulla Sa’diyev jamoatchilik asosida O‘zbekiston Kinoarboblari ijodiy uyushmasi raisining maslahatchisi etib tayinlandi, deb xabar beradi O‘zA.
Xayrulla Sa’diyev 1940-yili Toshkentda aktyor Habib Sa’diyev oilasida tug‘ilgan. O‘z faoliyatini teatr sahnasidan boshlab, 1990-yilda SSSR xalq artisti unvoni bilan mukofotlangan. Shuningdek, 2005-yili “Mehnat shuhrati” ordeni bilan taqdirlangan. Uning ukasi Yodgor Sa’diyev ham taniqli kino va teatr aktyori va rejissor.
Xayrulla Sa’diyev mehnat faoliyatini “5-studiya” bilan davom ettirmoqda. U kichik kinosevarlarning “Zumrasha” jurnali badiiy rahbari ham hisoblanadi.
Eslatib o‘tamiz, O‘zbekiston Respublikasi Prezidentining 2018-yil 24-iyuldagi PQ-3880 sonli “Milliy kinoindustriyani rivojlantirish bo‘yicha qo‘shimcha chora-tadbirlar to‘g‘risida”gi qaroriga ko‘ra “O‘zbekiston Kinoarboblari ijodiy uyushmasi” nodavlat notijorat tashkilot sifatida qayta tashkil etilgan edi. Unga Matyoqub Matchonov rais etib saylangan.
Izoh (0)