Turkiyada sodir bo‘lgan zilzila oqibatida 19 kishi halok bo‘ldi, yana 770 kishi jarohat olgan, deb xabar beradi Anadolu agentligi.
Agentlikning mamlakat Tashqi ishlar vazirligiga tayanib ma’lum qilishicha, 30 nafarga yaqin odam hamon vayronalar ostida qolmoqda. 6,8 magnitudali zilzila bir necha soat oldin Turkiya sharqidagi Elazig va Malatya viloyatlarida sodir bo‘lgan.
Vayronalar hududida Turkiyaning 28 viloyatidan jami 500 ga yaqin qutqaruvchilar guruhi ishlamoqda. Gretsiya hukumati tabiiy ofat sabab Turkiyaga o‘zining qidiruv-qutqaruv jamoalarini yuborishga tayyor ekanligini bildirgan.
Yerosti silkinishlari qo‘shni Suriya va Iroq, shuningdek, Livanda ham sezilgan.
Mavzuga doir: Toshkentda yerosti silkinishlari sezildi. Bu vaqtda Prezident propiska tizimi haqida gapirayotgan edi
Izoh (0)