Rossiya aholisining soni 2019-yilda 35 ming nafarga kamaygan. Bu haqda “Interfaks” xabar berdi.

Foto: “Kapital-rus.ru”

2020-yil 1-yanvar holatiga ko‘ra, Rossiyada 146 million 745 ming nafar aholi yashashi ma’lum qilingan, bir yil avval aholi soni — 146 million 780 mingni tashkil qilgan.

Rossiya aholisi ikkinchi yil ketma-ket ravishda kamaygan: 2018-yilda mamlakat aholisi 99,7 ming odamga kamaygan va oxirgi 10 yillikdagi eng yomon natija qayd etilgandi.