Bag‘dodda AQSh qo‘shinlarining Iroqda bo‘lib turishiga qarshi ommaviy namoyishlar bo‘lib o‘tdi

Bag‘dodda AQSh qo‘shinlarining Iroqda bo‘lib turishiga qarshi ommaviy namoyishlar bo‘lib o‘tdi. Bu haqda “RBK” xabar bermoqda.

Ko‘chalarga shunday talab bilan tinch namoyishlar o‘tkazish uchun chiqishga mahalliy shialar yetakchisi Muqtado as-Sadr chaqirdi.

The New York Times namoyishchilar sonini 200—250 ming, Reuters “o‘n minglab”, Al Jazeera esa “minglab” deya baholadi.

AQSh qo‘shinlarining Iroqda bo‘lib turishiga qarshi ommaviy namoyishlar joriy yil yanvar oyi boshidan, Qo‘shma Shtatlar Bag‘dod aeroporti yaqinida bergan aviazarba oqibatida eronlik general Qosim Sulaymoniy halok bo‘lganidan beri davom etmoqda.