Germaniyaning Baden-Vyurtemberg yerida joylashgan Rot-am-Ze shahrida yuz bergan otishmada kamida olti kishi halok bo‘ldi. Bu haqda Meduza xabar berdi.
Qayd etilishicha, otishma Banxofshtrass ko‘chasida yuz bergan. Politsiyaning ma’lumotlariga ko‘ra, jinoyatchi va uning qurbonlari bir-birini tanigan. Tasdiqlanmagan ma’lumotlarga ko‘ra, 1983-yilda tug‘ilgan erkak o‘z oila a’zolariga o‘t ochgan.
Xabar berilishicha, yana bir necha kishi jarohat olgan. Mergan qo‘lga olingan, boshqa gumonlanuvchilar yo‘q.
Izoh (0)