Avstraliyada kuchli o‘rmon yong‘inlari kuzatilganda butun dunyo tezroq yomg‘ir yog‘ishini tilagandi. Yakunda shunday bo‘ldi: qurg‘oqchilik yakuniga yetdi, ammo endi qit’ada boshqa bir muammo paydo bo‘lgan.

Foto: Big Picture

Knivslendda momaqaldiroq gumburlab, kuchli sel boshlangan. Suv sathining balandligi 300 mm ga yetgan.

Foto: Big Picture

Avstraliyada yomg‘ir chelaklab quymoqda. Qit’ada 2019-yilning sentabridan buyon yomg‘ir yog‘magan, shu sababli kutilmagan toshqinlar mamlakatning ayrim hududlarini suv ostida qoldirgan. Bir kechaning o‘zida Kvinslendda bir oyda yog‘adigan yomg‘ir miqdori kuzatilgan.

Foto: Big Picture

Kuchli yomg‘irlar boshlanishi oldidan Avstraliya osmonining ko‘rinishi shunday edi. Meteorologiya byurosi bo‘ron xavfidan ogohlantirgan va ushbu ofatning hayot uchun xavfli ekanini bildirgan. Politsiya Gold-Kost shahridan o‘tuvchi yo‘lning suv ostida qolgani haqida 50 ta xabarnoma olgan.

Foto: Big Picture

Yo‘llar taxminan shunday ko‘rinishga kelgan.

Foto: Big Picture

Suv toshqini sabab ko‘p yo‘llar berkilib qolgani odamlarni og‘ir ahvolda qoldirgan.

Foto: Big Picture

Avariya guruhlari suv toshgan hududdan o‘tmoqchi bo‘lgan ikki nafar odamni qutqarib qoldi.

Foto: Big Picture

Yong‘in xavfsizligi va qutqaruv xizmatlari fuqarolarni harakatlanayotgan suvning xavfli ekanini ma’lum qilgan.

Foto: Big Picture

Ular Twitter’da “Yo‘l suv ostida qolgan bo‘lsa, u haqida unuting”, deya tavsiya bergan. Shuningdek, xizmatlar jamoatchilikni qulab tushishi mumkin bo‘lgan daraxtlardan va elektruzatgich tarmoqlaridan uzoqroqda bo‘lishga chaqirgan.

Foto: Big Picture

Suv miqdori haqiqatan ham juda ko‘p.

Foto: Big Picture

Ayni kunlarda Avstraliyada 1500 nafar o‘t o‘chiruvchi ishlamoqda. Ular yong‘inlarni boshqa hududlarga o‘tib ketmasligini ta’minlash uchun kurashmoqda. Kuchli yomg‘irlar boshlanganidan keyin yong‘inlar soni 85 dan 69 gacha kamaygan.