Avstraliyada kuchli o‘rmon yong‘inlari kuzatilganda butun dunyo tezroq yomg‘ir yog‘ishini tilagandi. Yakunda shunday bo‘ldi: qurg‘oqchilik yakuniga yetdi, ammo endi qit’ada boshqa bir muammo paydo bo‘lgan.
Knivslendda momaqaldiroq gumburlab, kuchli sel boshlangan. Suv sathining balandligi 300 mm ga yetgan.
Avstraliyada yomg‘ir chelaklab quymoqda. Qit’ada 2019-yilning sentabridan buyon yomg‘ir yog‘magan, shu sababli kutilmagan toshqinlar mamlakatning ayrim hududlarini suv ostida qoldirgan. Bir kechaning o‘zida Kvinslendda bir oyda yog‘adigan yomg‘ir miqdori kuzatilgan.
Kuchli yomg‘irlar boshlanishi oldidan Avstraliya osmonining ko‘rinishi shunday edi. Meteorologiya byurosi bo‘ron xavfidan ogohlantirgan va ushbu ofatning hayot uchun xavfli ekanini bildirgan. Politsiya Gold-Kost shahridan o‘tuvchi yo‘lning suv ostida qolgani haqida 50 ta xabarnoma olgan.
Yo‘llar taxminan shunday ko‘rinishga kelgan.
Suv toshqini sabab ko‘p yo‘llar berkilib qolgani odamlarni og‘ir ahvolda qoldirgan.
Avariya guruhlari suv toshgan hududdan o‘tmoqchi bo‘lgan ikki nafar odamni qutqarib qoldi.
Yong‘in xavfsizligi va qutqaruv xizmatlari fuqarolarni harakatlanayotgan suvning xavfli ekanini ma’lum qilgan.
Ular Twitter’da “Yo‘l suv ostida qolgan bo‘lsa, u haqida unuting”, deya tavsiya bergan. Shuningdek, xizmatlar jamoatchilikni qulab tushishi mumkin bo‘lgan daraxtlardan va elektruzatgich tarmoqlaridan uzoqroqda bo‘lishga chaqirgan.
Suv miqdori haqiqatan ham juda ko‘p.
Ayni kunlarda Avstraliyada 1500 nafar o‘t o‘chiruvchi ishlamoqda. Ular yong‘inlarni boshqa hududlarga o‘tib ketmasligini ta’minlash uchun kurashmoqda. Kuchli yomg‘irlar boshlanganidan keyin yong‘inlar soni 85 dan 69 gacha kamaygan.
8 hours of rain on the #GoldCoast and we people in boats on the streets of Southport. 🚣♂️ ☔️ pic.twitter.com/2GWL4mdb2K
— Ricky Kroesen (@rickykroesen) January 17, 2020
Izoh (0)